لاني انسان بطبيعتي ما بحبش اللت و العجن الكتير ( الا في مدونتي التانية بصراحة ) فانا قررت اني هعمل المدونة دي عشان
اكتب فيها اي افكار سريعة بتخطر على بالي و بحس اني عايز اقولها بس معنديش وقت او مكسل او لاي سبب .. و في نفس الوقت حاسس ان الموضوع كده هيبقى اظرف كتير .. المختصر المفيد علطول .. و خلي بقى اللت و العجن في اختلاف
الفكرة خطرت على بالي لما صديقي محمد صاحب مدونة استراحة قالي انه بقى بيكتب مواضيع مختصرة اوي لانه معندوش وقت .. قمت قلت انا بقى هعمل مدونة مخصوص لكده .. أفكار سريعة عالماشي بس ممكن تفرق كتير اوي اكتر من موضوع طويل ما تطلعش منه بحاجه
هنا هتلاقي افكار تخص كل شيء في الدنيا .. طبعا ماقدرش اوعدك ان كل الافكار اللي هتقراها هتنورلك حتة جديدة في دماغك .. بالعكس ممكن جدا تلاقي نفسك بتقول ما حانا عارفين انت جبت التايهه يعني .. و مقدرش اوعدك انك هتتفق مع كل الافكار اللي هنا و تلاقي كل الناس اللي عمالة تعلق ( ده ازا لقيت حد بيعلق اساسا) بتعلق تعليقات زي الله عليك و انت مبدع و انت رائع و تسلم كيبوردك (دي بالزات بكرها مش عارف ليه) و حضرة المدح المحمدي اللي بتحصل في معظم المدونات التانية
برضه مقدرش اوعدك انك هتقرا كلام تقيل و عميق لواحد من طبقة المثقفين اللي في البلد او اللي ليهم بلوجات جامده كده و كلها لوح فنية و اشعار عميقة جدا لدرجة انك احتمال كبير اوي ماتفهمهاش (: .. لاني بمنتهى البساطه مش واحد منهم .. انا مجرد واحد قاعد في بيتهم و فاتح مدونة اسمها افكار سريعة
من الاخر كده انصحك بعدم متابعة المدونة (:
طبعا بهزر ما تفرحش اوي .. يا ريت تيجيي هنا كل يوم و تجيب صحابك كمان
اللي اقدر اوعدك بيه هنا انك مش هتلاقي افكار من نوع لا حياة مع اليأس و لا يأس مع الحياة و تحدى زاتك و بطل سجاير و اشرب اللبن و الشعارات الفارغه دي
و كمان الي اقدر اوعدك بيه ان صاحب المدونة نفسه يشارك كل الناس بكل الافكار اللي هو شايفها من وجهة نظرة حلوة و انه نفسه كل الناس برضه تشاركه كل الافكار اللي هي شايفاها حلوة من وجهة نظرها وده كله يحصل بسرعه من غير لت و لا عجن ( و لا مدح محمدي )
و دي دعوه مفتوحة لاي بني ادم في العالم بغض النظر عن البلد او الجنس او الدين او اي حاجه تانيه انه يشاركني في كتابة افكار المدونة دي
سلام
اكتب فيها اي افكار سريعة بتخطر على بالي و بحس اني عايز اقولها بس معنديش وقت او مكسل او لاي سبب .. و في نفس الوقت حاسس ان الموضوع كده هيبقى اظرف كتير .. المختصر المفيد علطول .. و خلي بقى اللت و العجن في اختلاف
الفكرة خطرت على بالي لما صديقي محمد صاحب مدونة استراحة قالي انه بقى بيكتب مواضيع مختصرة اوي لانه معندوش وقت .. قمت قلت انا بقى هعمل مدونة مخصوص لكده .. أفكار سريعة عالماشي بس ممكن تفرق كتير اوي اكتر من موضوع طويل ما تطلعش منه بحاجه
هنا هتلاقي افكار تخص كل شيء في الدنيا .. طبعا ماقدرش اوعدك ان كل الافكار اللي هتقراها هتنورلك حتة جديدة في دماغك .. بالعكس ممكن جدا تلاقي نفسك بتقول ما حانا عارفين انت جبت التايهه يعني .. و مقدرش اوعدك انك هتتفق مع كل الافكار اللي هنا و تلاقي كل الناس اللي عمالة تعلق ( ده ازا لقيت حد بيعلق اساسا) بتعلق تعليقات زي الله عليك و انت مبدع و انت رائع و تسلم كيبوردك (دي بالزات بكرها مش عارف ليه) و حضرة المدح المحمدي اللي بتحصل في معظم المدونات التانية
برضه مقدرش اوعدك انك هتقرا كلام تقيل و عميق لواحد من طبقة المثقفين اللي في البلد او اللي ليهم بلوجات جامده كده و كلها لوح فنية و اشعار عميقة جدا لدرجة انك احتمال كبير اوي ماتفهمهاش (: .. لاني بمنتهى البساطه مش واحد منهم .. انا مجرد واحد قاعد في بيتهم و فاتح مدونة اسمها افكار سريعة
من الاخر كده انصحك بعدم متابعة المدونة (:
طبعا بهزر ما تفرحش اوي .. يا ريت تيجيي هنا كل يوم و تجيب صحابك كمان
اللي اقدر اوعدك بيه هنا انك مش هتلاقي افكار من نوع لا حياة مع اليأس و لا يأس مع الحياة و تحدى زاتك و بطل سجاير و اشرب اللبن و الشعارات الفارغه دي
و كمان الي اقدر اوعدك بيه ان صاحب المدونة نفسه يشارك كل الناس بكل الافكار اللي هو شايفها من وجهة نظرة حلوة و انه نفسه كل الناس برضه تشاركه كل الافكار اللي هي شايفاها حلوة من وجهة نظرها وده كله يحصل بسرعه من غير لت و لا عجن ( و لا مدح محمدي )
و دي دعوه مفتوحة لاي بني ادم في العالم بغض النظر عن البلد او الجنس او الدين او اي حاجه تانيه انه يشاركني في كتابة افكار المدونة دي
سلام
اول تعليق فى المدونة الجديدة
ReplyDeleteاقولك على سر مستنى كبسولاتك السريعة
لأنى عارف انى هطلع منها بفايدة
كلمة كبسولة دي بتضحكني موت يا حمد
ReplyDeleteبالزات لما انت تقولها
كبصووله
هههههههههههههههههههههههههههههههههههههههه
منور يا حمام و حياة ابوك ما تقطع بيا انت الوحيد اللي هتعلق هنا